Extraits :
« S’ènn’a-t-i tot plin dès sôres, ‘mon nos‑ôtes, dès wafes !
Dès moles, avou dès hopês d’ boûre, po lès goulafes !
Dès galèts, pus deurs, avou leûs p’titès balafes,
Po s’ ralètchî al drif al draf, to fant gnaf‑gnaf !
Çou qu’èlzîs fåt, ås golzås, ås tchiyås, ås hawås,
Djins-ureûs come ine crosse di pan è fond d’ l’årmå ?
Groumî ‘ne wafe di Lîdje ! ça fêt miråbiliyås !
Po cès groûlås, c’èst co mî qu’ dè bon tchôcolåt ! »
« — Bone annêye èt sî wafes ! d’hît‑i mès grands-parints po v’s‑acdiner leûs mèyeûs veûs tot vos n’nant vos‑étrènes èt tot v’ prézintant ‘ne bone jate di cafè, ou co bin on bol di tchôd cacaô, po lès-ôrimièls, avou on bê platê foû tchèrdjî di saqwantès sôres di wafes.Po nos-ôtes, tos leûs p’tits-èfants, leûs mistritchous, gn‑aveût nolemint mèzåhe d’assoti d’ fim po ‘nnè scafer dès hopelêyes reû‑t‑a-bale.Åyant turtos stu bin-n-aclèvés, nos n’ måquîs måy dè magnî a r’lètche‑deûts1. D’ot’tant qui… cès glotinerèyes…
Si n’èstît-t-èle nin pus’ qui foû bones, don ? Nos ‘nn’årîs gourmé dis-qu’a ‘nnè fé d’ l’amagnî po l’ tchèt2 ! Ine trûlêye di som’nances po tote ine vicårèye ! »
1 Magnî a r’lètche‑deûts / Si fé glèter l’ minton : Faire bonne chère.
2 Fé d’ l’amagnî po l’ tchèt : vômir. Ici : à s’en rendre malade.
| Auteur : |
Christian Spits |
| Editeur : |
L'imagitateur |
| Catégorie : |
Biographies, Mémoires - Témoignages |
| Format : |
Poche+ (11 x 21 cm) |
| Nombre de pages : |
58 |
| Couverture : |
Souple |
| Reliure : |
Dos carré collé |
| Finition : |
Brillant |
| ISBN : |
978-2-930981-12-3 |
